Yangi mavsum oldidan tarkibni yanada kuchaytirish maqsadida "Turon" jamoasi yana bir transferni amalga oshirdi. Xususan, Gruziya davlati fuqarosi, hujumkor yarim himoyachi Zakariya Beglarishvili yaypanliklar bilan bir yillik rasmiy shartnomaga imzo chekdi.
"Beglarishvili faoliyati davomida «Dila», «Ayaks», «Olimpi», «Lokomotiv Tbilisi» kabi nomdor klublar safida maydonga tushgan. Shuningdek, u Gruziya davlatining turli yoshdagi terma jamoalari safida ham o‘ynagan.
«Turon» futbol klubi legioner futbolchi Zakariya Beglarishvilining jamoamizdagi faoliyatida yuksak muvaffaqiyat va zafarlar yor bo‘lishini tilaydi.
«Turon»ning ahil oilasiga xush kelibsan, Zakariya!" - deyiladi "Turon"ning rasmiy bayonotida.
