Янги мавсум олдидан таркибни янада кучайтириш мақсадида "Турон" жамоаси яна бир трансферни амалга оширди. Хусусан, Грузия давлати фуқароси, ҳужумкор ярим ҳимоячи Закария Бегларишвили яйпанликлар билан бир йиллик расмий шартномага имзо чекди.

"Бегларишвили фаолияти давомида «Дила», «Аякс», «Олимпи», «Локомотив Тбилиси» каби номдор клублар сафида майдонга тушган. Шунингдек, у Грузия давлатининг турли ёшдаги терма жамоалари сафида ҳам ўйнаган.

«Турон» футбол клуби легионер футболчи Закария Бегларишвилининг жамоамиздаги фаолиятида юксак муваффақият ва зафарлар ёр бўлишини тилайди.

«Турон»нинг аҳил оиласига хуш келибсан, Закария!" - дейилади "Турон"нинг расмий баёнотида.