Hujumchi Ansu Fati yozgi transfer oynasida “Barselona”ni tark etishi mumkin. CaughtOffside xabariga ko‘ra, "ko‘k-anorranglilar" moliyaviy qiyinchiliklar tufayli futbolchi bilan xayrlashishi mumkin. Yozda klub ish haqini kamaytirishi yoki kattaroq daromadga erishishi kerak.
"Barselona" rahbariyati Fati sotuvidan katta miqdorda daromad olishni rejalashtirmoqda. 20 yoshli hujumchining transferi potensial xaridorga 100 million yevroga tushishi kutilmoqda. Unga "Manchester Yunayted", "Arsenal" va "Liverpul" klublari qiziqish bildirmoqda.
Ansu joriy mavsumda “Barselona” safida 31 ta o‘yinda maydonga tushib, 6 ta gol urdi va 3 ta golli uzatmani amalga oshirdi.
