Ҳужумчи Ансу Фати ёзги трансфер ойнасида “Барселона”ни тарк этиши мумкин. CaughtOffside хабарига кўра, "кўк-анорранглилар" молиявий қийинчиликлар туфайли футболчи билан хайрлашиши мумкин. Ёзда клуб иш ҳақини камайтириши ёки каттароқ даромадга эришиши керак.
"Барселона" раҳбарияти Фати сотувидан катта миқдорда даромад олишни режалаштирмоқда. 20 ёшли ҳужумчининг трансфери потенциал харидорга 100 миллион еврога тушиши кутилмоқда. Унга "Манчестер Юнайтед", "Арсенал" ва "Ливерпуль" клублари қизиқиш билдирмоқда.
Ансу жорий мавсумда “Барселона” сафида 31 та ўйинда майдонга тушиб, 6 та гол урди ва 3 та голли узатмани амалга оширди.
