"PSJ" bosh murabbiyi Kristof Galtye Ashraf Hakimining jarohati haqida gapirdi.
Marokashlik himoyachi Chempionlar ligasi 1/8 finalining "Bavariya"ga qarshi (0:1) 1-bo‘limidan so‘ng almashtirildi.
"Ashraf jahon chempionatida og‘riq bilan ko‘p o‘ynadi. Biz uning qaytishini tashkillashtirish uchun bor kuchimiz bilan harakat qildik. "Monako"ga qarshi o‘yin u uchun qiyin edi, shu sababli, asosiy tarkibda maydonga tushmadi.
U "Bavariya" bilan o‘yinni asosiy tarkibda boshladi. U tavakkal qildi, ammo, afsuski, mushaklar bilan bog‘liq muammolar juda tez paydo bo‘ldi. Jarohat borligini va u qancha vaqt maydonga tusha olmasligini bilmayman" - dedi GaltYE.
24 yoshli o‘ng qanot himoyachisi joriy mavsumda “PSJ” safida barcha turnirlarda 31 o‘yinda maydonga tushib, 4 ta gol va 5 ta golli uzatmani amalga oshirdi.
