"ПСЖ" бош мураббийи Кристоф Галтье Ашраф Ҳакимининг жароҳати ҳақида гапирди.

Марокашлик ҳимоячи Чемпионлар лигаси 1/8 финалининг "Бавария"га қарши (0:1) 1-бўлимидан сўнг алмаштирилди.

"Ашраф жаҳон чемпионатида оғриқ билан кўп ўйнади. Биз унинг қайтишини ташкиллаштириш учун бор кучимиз билан ҳаракат қилдик. "Монако"га қарши ўйин у учун қийин эди, шу сабабли, асосий таркибда майдонга тушмади.

У "Бавария" билан ўйинни асосий таркибда бошлади. У таваккал қилди, аммо, афсуски, мушаклар билан боғлиқ муаммолар жуда тез пайдо бўлди. Жароҳат борлигини ва у қанча вақт майдонга туша олмаслигини билмайман" - деди Галтье.

24 ёшли ўнг қанот ҳимоячиси жорий мавсумда “ПСЖ” сафида барча турнирларда 31 ўйинда майдонга тушиб, 4 та гол ва 5 та голли узатмани амалга оширди.