Avvalroq Turinning "Yuventus" klubi sharafini himoya qilgan "Bavariya" himoyachisi Matteys de Ligt Italiya klubini tark etganidan keyin ham "byankonerlar"ga nisbatan hurmati yuqori ekanligini tan oldi.

"Men "Yuventus"ni kuzatishda davom etaman, bu men uchun ajoyib klub. Muxlislarning noroziligini tushunsam ham, ular men haqimda yolg‘on gapirishadi. Lekin men hech qachon "Yuventus" haqida yomon gapirmaganman. Men bu klub va uning muxlislarining ranglarini juda yaxshi ko‘raman, chunki eng qiyin daqiqalarda ham muxlislar doimo stadionga kelishadi va umid qilamanki, "Yuventus" yana ko‘plab o‘yinlarda g‘alaba qozonadi, bu ularga Italiya chempionatida ham, Yevropa ligasidagi muvaffaqiyatga ham yordam beradi”, - dedi de Ligt Sky Sport Italia bilan suhbatda.

De Ligt “Yuventus” safida 117 uchrashuvda 8 ta gol urdi va 3 ta golli uzatmani amalga oshirdi.