Transfer oynasi yopilishiga oz fursat qolganida “Andijon” so‘nggi xaridini amalga oshirdi.
"Bugun jamoamizga albaniyalik tajribali hujumchi Rubin Xebay qo‘shildi va 2 yillik shartnoma imzolandi. Bu orqali “Andijon” legionerlar limitidan to‘liq foydalandi.
Rubin Xebay bungacha Albaniya oliy ligasida “Teuta” klubi sharafini himoya qilgan bo‘lib, 20 ta uchrashuvda 10 ta gol urgan.
Shuningdek, u Albaniya U-17, U-19 va U-21 terma jamoalarida ham faoliyat olib borgan.
Bizning ma’lumot:
Rubin Xebay (albancha yozilishi Rubin Hebaj)
Tug‘ilgan sanasi: 30.07.1998
Ampluasi: hujumchi
Bo‘yi: 187
Vazni: 70
To‘p surgan klublari: “Vlazniya” (Albaniya), “Domjale” (Sloveniya), “Partizani” (Albaniya), “Vorskla” (Ukraina), “Shkendiya-79” (Makedoniya), “Teuta” (Albaniya).
Rubin, “Andijon”ning ahil oilasiga xush kelibsan!" - deyiladi "Andijon"ning rasmiy bayonotida.
