Трансфер ойнаси ёпилишига оз фурсат қолганида “Андижон” сўнгги харидини амалга оширди.

"Бугун жамоамизга албаниялик тажрибали ҳужумчи Рубин Хебай қўшилди ва 2 йиллик шартнома имзоланди. Бу орқали “Андижон” легионерлар лимитидан тўлиқ фойдаланди.

Рубин Хебай бунгача Албания олий лигасида “Теута” клуби шарафини ҳимоя қилган бўлиб, 20 та учрашувда 10 та гол урган.

Шунингдек, у Албания U-17, U-19 ва U-21 терма жамоаларида ҳам фаолият олиб борган.

Бизнинг маълумот:

Рубин Хебай (албанча ёзилиши Rubin Hebaj)

Туғилган санаси: 30.07.1998

Амплуаси: ҳужумчи

Бўйи: 187

Вазни: 70

Тўп сурган клублари: “Влазния” (Албания), “Домжале” (Словения), “Партизани” (Албания), “Ворскла” (Украина), “Шкендия-79” (Македония), “Теута” (Албания).

Рубин, “Андижон”нинг аҳил оиласига хуш келибсан!" - дейилади "Андижон"нинг расмий баёнотида.