Eden Azar yozda "Real"ni tark etishi mumkin.

The Athletic jurnalisti Mario Kortegananing xabar berishicha, Azar va uning agentlari yaqin vaqt ichida klub rahbariyati bilan uchrashib, futbolchining kelajagi haqida gaplashadi. Katta ehtimol bilan belgiyalik futbolchining shartnomasi 2024 yilning iyunigacha tuzilganiga qaramay, shu yozda jamoani tark etadi. Klubning Azar bilan xayrlashmoqchi bo‘lgan sabablaridan biri uning yuqori maoshi - bonuslar va imidj huquqidan tushgan daromadni hisobga olgan holda soliqlar to‘langanidan keyin taxminan 15 million yevroni tashkil etadi.

Klubning fikricha, Azar faoliyatidagi burilish nuqtasi 2019 yil oktyabr oyida "PSJ"ga qarshi Chempionlar ligasi guruh bosqichi o‘yinida Tomas Menye bilan to‘qnashuvda olgan jarohati bo‘ldi. Transfermarkt ma’lumotlariga ko‘ra, Azar "Real"dagi 3 yarim mavsum davomida jami 18 ta jarohat olgan va 498 kun va 77 o‘yinni o‘tkazib yuborgan. Ilgari "Chelsi"dagi 7 mavsumda vinger jarohat sabab bor-yo‘g‘i 198 kunni o‘tkazib yuborgandi.