"Chelsi" yarim himoyachisi Kay Xavers London klubining mavsumning qolgan qismidagi maqsadlari haqida gapirdi.

"Maqsadimiz o‘zgarmaydi - Chempionlar Ligasi zonasiga ko‘tarilish. Hamma tushunib turibdiki, hozirgi holat bizni qoniqtirmayapti va mavsum boshlanishidan oldin kutganlar butunlay boshqacha edi. Biz sovrinlar yutish uchun bu yerga keldik", - deya Xaversning so‘zlaridan iqtibos keltiradi London klubi rasmiy sayti.

Yarim himoyachining ta’kidlashicha, mavsum o‘rtasida jamoada ko‘p o‘zgarishlar bo‘lgani uchun, hammaga moslashish uchun vaqt kerak.

23 yoshli futbolchi joriy mavsumda barcha turnirlar doirasida 29 ta o‘yinda maydonga tushib, 6 ta gol urdi va bitta golli uzatmani amalga oshirdi.