"Челси" ярим ҳимоячиси Кай Хаверц Лондон клубининг мавсумнинг қолган қисмидаги мақсадлари ҳақида гапирди.

"Мақсадимиз ўзгармайди - Чемпионлар Лигаси зонасига кўтарилиш. Ҳамма тушуниб турибдики, ҳозирги ҳолат бизни қониқтирмаяпти ва мавсум бошланишидан олдин кутганлар бутунлай бошқача эди. Биз совринлар ютиш учун бу ерга келдик", - дея Хаверцнинг сўзларидан иқтибос келтиради Лондон клуби расмий сайти.

Ярим ҳимоячининг таъкидлашича, мавсум ўртасида жамоада кўп ўзгаришлар бўлгани учун, ҳаммага мослашиш учун вақт керак.

23 ёшли футболчи жорий мавсумда барча турнирлар доирасида 29 та ўйинда майдонга тушиб, 6 та гол урди ва битта голли узатмани амалга оширди.