Londonning “Chelsi” klubida ijara asosida to‘p o‘ynayotgan hujumchi Joau Feliks doimiy ravishda ingliz klubida qolishi mumkin. Cadena Ser xabariga ko‘ra, "aristokratlar" rahbariyati mavsum yakunida 23 yoshli portugaliyalikni sotib olishga tayyor.

Angliya top-klubi Madridning “Atletiko”siga futbolchining transferi uchun 80 million yevro taklif qilmoqchi. Eslatib o‘tamiz, "Chelsi" qishki transfer oynasida Feliksni "matraschilar"dan ijaraga olgan edi.

Angliya Premyer-ligasining joriy mavsumida Joau ikkita o‘yinda qatnashib, bitta gol urishga muvaffaq bo‘ldi.

APLning 23-turidan so‘ng “Chelsi” turnir jadvalida o‘ninchi o‘rinda bormoqda.