Лондоннинг “Челси” клубида ижара асосида тўп ўйнаётган ҳужумчи Жоау Феликс доимий равишда инглиз клубида қолиши мумкин. Cadena Ser хабарига кўра, "аристократлар" раҳбарияти мавсум якунида 23 ёшли португалияликни сотиб олишга тайёр.
Англия топ-клуби Мадриднинг “Атлетико”сига футболчининг трансфери учун 80 миллион евро таклиф қилмоқчи. Эслатиб ўтамиз, "Челси" қишки трансфер ойнасида Феликсни "матрасчилар"дан ижарага олган эди.
Англия Премьер-лигасининг жорий мавсумида Жоау иккита ўйинда қатнашиб, битта гол уришга муваффақ бўлди.
АПЛнинг 23-туридан сўнг “Челси” турнир жадвалида ўнинчи ўринда бормоқда.
