Paulo Dibala "Roma"dagi kelajagiga ishonchi komil emasligini, ammo Joze Mourinyo qo‘l ostida o‘ynashni davom ettirishni istashini aytdi, deya xabar beradi jurnalist Fabrisio Romano.

Manbaga ko‘ra, 29 yoshli argentinalik futbolchiga "Manchester Yunayted" ham qiziqish bildirmoqda. Futbolchining transfer narxi 12 million yevroni tashkil qiladi. Hujumchining "Roma" bilan shartnomasi 2025 yilning yoziga qadar mo‘ljallangan.

Dibala joriy mavsum A Seriyada 16 ta o‘yinda maydonga tushib, 8 ta gol urdi va 6 ta golli uzatmani amalga oshirdi.