Pol Pogba o‘tgan yozda jamoaga qaytganidan beri "Yuventus"da hali o‘ynamadi.
Yaqinda fransiyalik futbolchi "keksa sinyora"ning Italiya chempionati uchrashuvi uchun qaydnomaga kiritilgandi, biroq maydonga tushmagan. O‘shanda turinliklar bosh murabbiyi Massimiliano Allegri Pogbaning jarohati bor ekanligini aytgandi.
Tuttosport nashrining xabar berishicha, Pol Pogba tiklanishida bir qancha ijobiy belgilar ko‘rsatmoqda. Chorshanba kuni 29 yoshli Pogba "Yuventus" mashg‘ulotlarining bir qismini umumiy guruhda o‘tkazdi.
Pol Pogba fevral oyining so‘nggi kunida "Torino"ga qarshi derbida maydonga tushishga tayyor bo‘lishiga umid bor.













