Madridning «Real» klubi yarim himoyachisi Toni Kroos Yevropa Superligasining UYEFA Chempionlar Ligasidan ustunligi haqida gapirdi.

«O‘ylaymanki, biz Superligani baribir ko‘ramiz. Buning bir qancha sabablari bor. Fikr o‘zgardi va ko‘rib chiqishga loyiqdir.

Vaziyatga umumiy nazar tashlaydigan bo‘lsak, UYEFA muxlislar uchun umuman xayrixoh tashkilot emasligini ko‘ramiz. Hozirda Superligada barcha klublarning arizalari ko‘rib chiqilmoqda.

Ular ta’sischi jamoalarining doimiy ravishda musobaqada qatnashishlarini umuman rejalashtirmaydilar. Bu UYEFA tomonidan emas, klublar tomonidan o‘tkaziladigan ochiq sport musobaqasi bo‘ladi.

Ular buning uchun UYEFA kerak emasligiga aminlar. Ishonchim komilki, bu g‘oya hech bo‘lmaganda yana bir imkoniyat berilishiga loyiqdir», dedi Kroos.