Мадриднинг «Реал» клуби ярим ҳимоячиси Тони Кроос Европа Суперлигасининг УЕФА Чемпионлар Лигасидан устунлиги ҳақида гапирди.
«Ўйлайманки, биз Суперлигани барибир кўрамиз. Бунинг бир қанча сабаблари бор. Фикр ўзгарди ва кўриб чиқишга лойиқдир.
Вазиятга умумий назар ташлайдиган бўлсак, УЕФА мухлислар учун умуман хайрихоҳ ташкилот эмаслигини кўрамиз. Ҳозирда Суперлигада барча клубларнинг аризалари кўриб чиқилмоқда.
Улар таъсисчи жамоаларининг доимий равишда мусобақада қатнашишларини умуман режалаштирмайдилар. Бу УЕФА томонидан эмас, клублар томонидан ўтказиладиган очиқ спорт мусобақаси бўлади.
Улар бунинг учун УЕФА керак эмаслигига аминлар. Ишончим комилки, бу ғоя ҳеч бўлмаганда яна бир имконият берилишига лойиқдир», деди Кроос.
