Saudiya Arabistoni chempionatining 17-turida “An-Nassr” 17 fevral, juma kuni “At-Taavun” bilan bahs olib bordi.

Uchrashuvning 17-daqiqasida Ronalduning uzatmasidan so‘ng Abdulrahmon G‘arib hisobni ochdi. Ikkinchi bo‘lim boshida Alvaro Medran muvozanatni tikladi. 78-daqiqada Abdulla Madu “An-Nassr”ning ikkinchi goliga mualliflik qildi. Bu safar ham golli uzatma Krishtianu Ronaldu hisobiga yozildi. Jaloliddin Masharipov esa 72-daqiqada Ayman Yahyoning o‘rniga maydonga tushdi.

Shu tariqa, “An-Nassr” 2:1 hisobida g‘alaba qozondi va ochkolari sonini 40 taga yetkazib, birinchi o‘ringa ko‘tarilib oldi.

Saudiya Arabistoni professional ligasi, 17-tur bahsi
17 fevral, juma
“An-Nassr” – “At-Taavun” 2:1
Gollar: 1:0 – 17 G‘arib, 1:1 – 47 Medran, 2:1 – 78 Madu.
“An-Nassr”: Al-Akidiy, Al-G‘anam (Al-Avjamiy, 84), Madu, Al-Amriy, Konan, Luis Gustavo, An-Najiy (Martines, 63), Al-Hassan (As-Sulayhim, 63), Yahyo (Masharipov, 72), Ronaldu, G‘arib (Taliska, 72).
“At-Taavun”: Mailson, Al-G‘amdiy (Muhammad, 83), Naldo, Kadesh, Yahyo (As-Saafiy, 73), Medran, Romero, El-Mahdiviy, An-Nosir (Al-Amriy, 87), Tavamba, Ar-Rashidiy (Al-Nabit, 46).
Ogohlantirish: Martines (90).