"Inter" hujumchisi Lautaro Martines sardorlik bog‘ichiga asosiy nomzod.
Yaqinda markaziy himoyachi Milan Shkrinyar yozda erkin agent sifatida "PSJ"ga o‘tishga kelishib olgani uchun sardorlikdan mahrum qilingan edi. "Neradzurrilar"ning so‘nggi uchta o‘yinida Martines qo‘liga bog‘ich taqish sharafiga muyassar bo‘ldi, chunki u barcha da’vogarlar orasida jamoa uchun eng ko‘p o‘yin o‘tkazgan.
La Gazzetta dello Sport xabariga ko‘ra, kelasi mavsumdan vaziyat o‘zgarishi mumkin: klub 25 yoshli hujumchining yetakchilik fazilatlaridan qoniqish hosil qiladi, shuning uchun yozda u yangi doimiy sardor etib tayinlanishi mumkin.
Lautaro Martines 2018 yildan beri “Inter” safida to‘p tepadi. Milanliklar safida u 212 ta o‘yinda 89 ta gol urgan.
