"Интер" ҳужумчиси Лаутаро Мартинес сардорлик боғичига асосий номзод.
Яқинда марказий ҳимоячи Милан Шкриняр ёзда эркин агент сифатида "ПСЖ"га ўтишга келишиб олгани учун сардорликдан маҳрум қилинган эди. "Нерадзуррилар"нинг сўнгги учта ўйинида Мартинес қўлига боғич тақиш шарафига муяссар бўлди, чунки у барча даъвогарлар орасида жамоа учун энг кўп ўйин ўтказган.
La Gazzetta dello Sport хабарига кўра, келаси мавсумдан вазият ўзгариши мумкин: клуб 25 ёшли ҳужумчининг етакчилик фазилатларидан қониқиш ҳосил қилади, шунинг учун ёзда у янги доимий сардор этиб тайинланиши мумкин.
Лаутаро Мартинес 2018 йилдан бери “Интер” сафида тўп тепади. Миланликлар сафида у 212 та ўйинда 89 та гол урган.
