«Chelsi» klubi bosh murabbiy Grem Potter boshqaruvida jamoa tarixidagi eng yomon natijalaridan birini qayd etmoqda.

"The Athletic" tarqatgan xabarga ko‘ra, Potterning dastlabki 24 ta o‘yindagi g‘alabalari 38 foizni tashkil qilmoqda. Bu esa klubning so‘nggi 30 mavsumdagi eng yomon ikkinchi natijasi hisoblanadi. Bu borada eng yomon natija 1993 yilda Glenn Xoddl tomonidan qayd etilgan — 21%.

So‘nggi 30 yilda «Chelsi»ni boshqargan murabbiylarning dastlabki 24ta o‘yindagi g‘alabalar ulushi quyidagicha bo‘lgan:

1. Glenn Xoddl — 21%
2. Grem Potter — 38%
3. Rud Gullit — 42%
4. Gus Xiddink (2015 yilda jamoaga ikkinchi marta kelganida, 22 o‘yin) — 42%
5. Klaudio Ranyeri — 46%
6. Frenk Lempard — 50%
7. Janluka Vialli — 54%
8. Rafael Benites — 54%
9. Andre Villash-Boash — 63%
10. Joze Mourinyo (2013 yilda jamoaga ikkinchi marta kelganida) — 63%.