Londonning «Chelsi» klubi himoyachisi Kalidu Kulibali jamoaning yangi futbolchilari – ukrainalik Mixail Mudrik va portugaliyalik Joau Feliks haqida gapirdi.
«Men barcha yangi kelganlarni yaxshi ko‘raman. Mudrikni alohida aytib o‘tmoqchiman, uning o‘yinini anchadan beri kuzatib kelaman.
Ijtimoiy tarmoqlarda biroz gaplashgandik, shuning uchun biz bir-birimizni avvaldan bilardik. Mixail mashg‘ulotlarda juda yaxshi, u to‘p bilan yaxshi ishlaydigan tezkor o‘yinchi.
Feliks ham zo‘r, uning texnikasi haqida hamma biladi. To‘p bu yigitlarning oyog‘ida bo‘lsa, sehr yaraladi», - dedi senegallik futbolchi.
Angliya chempionatining 23-turidan keyin «aristokratlar» turnir jadvalida bor-yo‘g‘i o‘ninchi o‘rinni egallab turibdi.