Лондоннинг «Челси» клуби ҳимоячиси Калиду Кулибали жамоанинг янги футболчилари – украиналик Михаил Мудрик ва португалиялик Жоау Феликс ҳақида гапирди.
«Мен барча янги келганларни яхши кўраман. Мудрикни алоҳида айтиб ўтмоқчиман, унинг ўйинини анчадан бери кузатиб келаман.
Ижтимоий тармоқларда бироз гаплашгандик, шунинг учун биз бир-биримизни аввалдан билардик. Михаил машғулотларда жуда яхши, у тўп билан яхши ишлайдиган тезкор ўйинчи.
Феликс ҳам зўр, унинг техникаси ҳақида ҳамма билади. Тўп бу йигитларнинг оёғида бўлса, сеҳр яралади», - деди сенегаллик футболчи.
Англия чемпионатининг 23-туридан кейин «аристократлар» турнир жадвалида бор-йўғи ўнинчи ўринни эгаллаб турибди.