"Yuventus" yarim himoyachisi Anxel Di Mariya «PSJ» va uning hujumchisi Kilian Mbappe haqida o‘z fikrlarini bildirib o‘tdi.
«O‘ylashimcha, butun Fransiya Mbappega ulkan mas’uliyatni yukladi. Xalq, prezident va «PSJ». Ular futbolchini qolishga ko‘ndirishdi. Vaholanki, Mbappe ketishni istayotgandi. Jamoada futbol tarixidagi eng yaxshi o‘yinchi (Messi) borligiga qaramay, ular Kilianga boshqaruvni berishdi.
Mbappe shunchaki fransuz bo‘lgani, Fransiyada tug‘ilgani va jahon chempionatida g‘olib chiqqani va uni oldinda yaxshi karyera kutib turgani uchun shunday qilishdi. Ammo, bundan tashqari, u men "PSJ"da o‘ynayotganimda u yaxshi yigit edi. O‘ylashimcha, u hamon o‘zgarmagan», – dedi Di Mariya.