Fransiya terma jamoasi va "PSJ"ning sobiq futbolchisi Jerom Roten Parij klubida bosh murabbiy almashishi mumkinligi haqidagi fikrlari bilan o‘rtoqlashdi. Avvalroq, Kristof Galtyening o‘rnini Zinedin Zidan egallashi mumkinligi xabar qilingandi.
"PSJ"ga ajoyib bosh murabbiy kerak. Zinedin Zidan bu ish uchun juda mos keladi. Hamma Zidanni futboldagi ajoyib yutuqlari uchun hurmat qiladi. U Galtye qila olmaydigan muhim qarorlarni qabul qilishga qodir", - deya Rotendan iqtibos keltiradi RMC Sport.
Zidan 2016 yildan 2018 yilgacha va 2019 yildan 2021 yilgacha “Real”ni boshqargan. U bilan birga klub ketma-ket uchta Chempionlar ligasida g‘olib chiqdi (2016, 2017, 2018).