Франция терма жамоаси ва "ПСЖ"нинг собиқ футболчиси Жером Ротен Париж клубида бош мураббий алмашиши мумкинлиги ҳақидаги фикрлари билан ўртоқлашди. Аввалроқ, Кристоф Галтьенинг ўрнини Зинедин Зидан эгаллаши мумкинлиги хабар қилинганди.
"ПСЖ"га ажойиб бош мураббий керак. Зинедин Зидан бу иш учун жуда мос келади. Ҳамма Зиданни футболдаги ажойиб ютуқлари учун ҳурмат қилади. У Галтье қила олмайдиган муҳим қарорларни қабул қилишга қодир", - дея Ротендан иқтибос келтиради RMC Sport.
Зидан 2016 йилдан 2018 йилгача ва 2019 йилдан 2021 йилгача “Реал”ни бошқарган. У билан бирга клуб кетма-кет учта Чемпионлар лигасида ғолиб чиқди (2016, 2017, 2018).