Ispaniya chempionatining 22-tur o‘yinida “Real” 18 fevral, shanba kuni “Osasuna”ga qarshi bahs olib bordi.

Shiddatli kechgan o‘yinning birinchi bo‘limida darvozalar ishg‘ol etilmadi. Biroq ikkinchi bo‘limda madridliklar raqib darvozasi tomon yo‘l topa oldi. Dastlab, 78-daqiqada Federiko Valverde gol urgan bo‘lsa, 90+2-daqiqada Marko Asensio o‘z hisobiga gol yozdirib qo‘ydi.

Ushbu g‘alabadan so‘ng Karlo Anchelotti shogirdlari ochkolarini 51 taga yetkazdi va endi musobaqa peshqadami “Barselona” bilan oradagi farq 5 ochkoni tashkil etmoqda. Kataloniyaliklar 22-tur bahsini bugun "Kadis"ga qarshi o‘tkazishadi.

La liga, 22-tur bahsi
18 fevral, shanba
“Osasuna” – “Real” 0:2
Gollar: 0:1 – 78 Valverde, 0:2 – 90 Asensio.
“Osasuna”: Errera, Unai Garsiya, David Garsiya, Sanches, Brashanas (Oros, 72), Moyses Gomes, Torro (Kike Garsiya, 85), Ruben Garsiya (Moreno, 63), Monkayola, Budimir, Ez Abde (Barxa, 85).
“Real Madrid”: Kurtua, Nacho (Karvaxal, 76), Ryudiger, Militao, Alaba, Modrich, Sebalyos (Asensio, 66), Kamavinga, Valverde, Vinisius Junior, Rodrigo (Rodriges, 88).
Ogohlantirishlar: Torro (5), Monkayola (45), Vinisius Junior (45), Moyses Gomes (45), Nacho (84).