Germaniya futbol ittifoqi o‘zining rasmiy sayti orqali "Bavariya" bosh murabbiyi Yulian Nagelsmannga qarshi ish boshlanganini e’lon qildi.

Bundesliganing shanba kuni bo‘lib o‘tgan Menxengladbaxning "Borussiya" klubiga qarshi o‘yinda myunxenliklar ustozi bosh hakam Tobias Velsni haqorat qilishi mumkin edi.

Germaniya futbol assosiasiyasi nazorat qo‘mitasi Yulian Nagelsmanndan voqea yuzasidan izoh so‘radi. "Bavariya" ustozi tushuntirish xati yozadi, shundan so‘ng vaziyatga umumiy baho beriladi.

Eslatib o‘tamiz, "Bavariya" Menxengladbaxning "Borussiya" klubi mehmoni bo‘lib, 2:3 hisobida mag‘lub bo‘lgandi.