Германия футбол иттифоқи ўзининг расмий сайти орқали "Бавария" бош мураббийи Юлиан Нагельсманнга қарши иш бошланганини эълон қилди.
Бундеслиганинг шанба куни бўлиб ўтган Менхенгладбахнинг "Боруссия" клубига қарши ўйинда мюнхенликлар устози бош ҳакам Тобиас Вельцни ҳақорат қилиши мумкин эди.
Германия футбол ассоциацияси назорат қўмитаси Юлиан Нагельсманндан воқеа юзасидан изоҳ сўради. "Бавария" устози тушунтириш хати ёзади, шундан сўнг вазиятга умумий баҳо берилади.
Эслатиб ўтамиз, "Бавария" Менхенгладбахнинг "Боруссия" клуби меҳмони бўлиб, 2:3 ҳисобида мағлуб бўлганди.
