Bugun «Shalke» «Union» bilan durang o‘ynadi – 0:0. Gelzenkirxenliklar uchun bu ijobiy natija, chunki berlinliklar ayni dam turnir jadvalida uchinchi o‘rinda bormoqda.
Spiegel nashriga ko‘ra, «Shalke» Bundesliga tarixida ketma-ket 4 ta o‘yinni 0:0 hisobida yakunlagan birinchi klub bo‘ldi.
Avvalroq, «Shalke» «Kyoln» (29 yanvar), «Borussiya» Myonxengladbax (4 fevral) va «Volfsburg» (10 fevral) bilan 0:0 hisobida durang o‘ynagandi.
Ayni damda «Shalke» Germaniya chempionati turnir jadvalida so‘nggi o‘rinda bormoqda. Gelzenkirxenliklar navbatdagi o‘yinni 25 fevral kuni «Shtutgart»ga qarshi o‘tkazadi.
