"Manchester Siti" darvozaboni Ederson Morayes jamoasining Chempionlar ligasining chorak finaliga chiqish imkoniyatlariga baho berdi.
Eslatib o‘tamiz, 1/8 final bosqichida “shaharliklar” Germaniyaning “Leypsig” jamoasi bilan ikki o‘yinda to‘qnash kelishadi.
"Leypsig" - yaxshi o‘yinchilarga ega ajoyib jamoa, biz o‘yinga tayyor bo‘lishimiz kerak. Umid qilamanki, biz yaxshi o‘ynaymiz, ammo Chempionlar ligasida oson o‘yinlar bo‘lmaydi. Men jiddiy qiyinchilik kutmoqdaman va umid qilamanki, biz kerakli natijaga erishamiz" - dedi Ederson UYEFA rasmiy saytiga bergan intervyusida.
"Manchester Siti" va "Leypsig" Chempionlar ligasining so‘nggi guruh bosqichida o‘zaro to‘qnash kelishgandi. O‘z maydonida o‘tkazilgan ilk uchrashuvda 6:3 hisobida zafar quchgan “shaharliklar” safardagi ikkinchi uchrashuvda 1:2 hisobida imkoniyatni boy berishgan.
