"Манчестер Сити" дарвозабони Эдерсон Мораес жамоасининг Чемпионлар лигасининг чорак финалига чиқиш имкониятларига баҳо берди.
Эслатиб ўтамиз, 1/8 финал босқичида “шаҳарликлар” Германиянинг “Лейпциг” жамоаси билан икки ўйинда тўқнаш келишади.
"Лейпциг" - яхши ўйинчиларга эга ажойиб жамоа, биз ўйинга тайёр бўлишимиз керак. Умид қиламанки, биз яхши ўйнаймиз, аммо Чемпионлар лигасида осон ўйинлар бўлмайди. Мен жиддий қийинчилик кутмоқдаман ва умид қиламанки, биз керакли натижага эришамиз" - деди Эдерсон УЕФА расмий сайтига берган интервьюсида.
"Манчестер Сити" ва "Лейпциг" Чемпионлар лигасининг сўнгги гуруҳ босқичида ўзаро тўқнаш келишганди. Ўз майдонида ўтказилган илк учрашувда 6:3 ҳисобида зафар қучган “шаҳарликлар” сафардаги иккинчи учрашувда 1:2 ҳисобида имкониятни бой беришган.
