"Inter" sport direktori Pyero Auzilio klub "Chelsi" hujumchisi Romelu Lukakuni sotib olish borasida hali muzokaralar olib bormayotganini aytdi.
“Biz Lukakuning kelajagi borasida uning agentlari bilan muzokaralar olib bormayapmiz. Biz uning diqqatini o‘yinlarga qaratishini istaymiz. U rivojlanmoqda va bizga ko‘p yordam beradi", - dedi Auzilio.
Oldinroq OAV "neradzurrilar" Italiya klubida ijara asosida to‘p surayotgan "Chelsi"ning 29 yoshli forvardi bilan hamkorlikni davom ettirishdan manfaatdor ekani haqida yozgan edi. Belgiyalik futbolchi ham Milan klubida qolishni istamoqda.
Lukaku joriy mavsum A Seriyada 11 ta o‘yinda maydonga tushib, 2 ta gol urdi va 1 ta golli uzatmani amalga oshirdi.
"Chelsi" hujumchisi bilan shartnomasi 2026 yilgacha mo‘ljallangan. Transfermarkt portali futbolchining narxini 55 million yevroga baholamoqda.
