"Интер" спорт директори Пьеро Аузилио клуб "Челси" ҳужумчиси Ромелу Лукакуни сотиб олиш борасида ҳали музокаралар олиб бормаётганини айтди.
“Биз Лукакунинг келажаги борасида унинг агентлари билан музокаралар олиб бормаяпмиз. Биз унинг диққатини ўйинларга қаратишини истаймиз. У ривожланмоқда ва бизга кўп ёрдам беради", - деди Аузилио.
Олдинроқ ОАВ "нерадзуррилар" Италия клубида ижара асосида тўп сураётган "Челси"нинг 29 ёшли форварди билан ҳамкорликни давом эттиришдан манфаатдор экани ҳақида ёзган эди. Бельгиялик футболчи ҳам Милан клубида қолишни истамоқда.
Лукаку жорий мавсум А Серияда 11 та ўйинда майдонга тушиб, 2 та гол урди ва 1 та голли узатмани амалга оширди.
"Челси" ҳужумчиси билан шартномаси 2026 йилгача мўлжалланган. Transfermarkt портали футболчининг нархини 55 миллион еврога баҳоламоқда.