Germaniyalik mashhur sobiq murabbiy Feliks Magat Neymarning jarohati haqida gapirdi.

Parijlik hujumchi yaqinda Liga 1da «Lill»ga qarshi o‘yinda jarohat olgandi. Braziliyalik futbolchining tiklanishi to‘rt haftagacha davom etishi mumkin - u Myunxenda «Bavariya»ga qarshi o‘ynay olmaydi.

Magatning fikriga ko‘ra, bu myunxenliklarga u qadar ko‘p yordam bermaydi: «Menimcha, Neymarning «PSJ» safida Chempionlar ligasi 1/8 final javob o‘yinida ishtirok etmasligi «Bavariya» uchun umuman foyda keltirmaydi», deydi Magat. 

«Bavariya» - «PSJ» uchrashuvi 8 mart kuni bo‘lib o‘tadi. Birinchi uchrashuv nemis jamoasining 1:0 hisobidagi g‘alabasi bilan yakunlangan.