Германиялик машҳур собиқ мураббий Феликс Магат Неймарнинг жароҳати ҳақида гапирди.

Парижлик ҳужумчи яқинда Лига 1да «Лилл»га қарши ўйинда жароҳат олганди. Бразилиялик футболчининг тикланиши тўрт ҳафтагача давом этиши мумкин - у Мюнхенда «Бавария»га қарши ўйнай олмайди.

Магатнинг фикрига кўра, бу мюнхенликларга у қадар кўп ёрдам бермайди: «Менимча, Неймарнинг «ПСЖ» сафида Чемпионлар лигаси 1/8 финал жавоб ўйинида иштирок этмаслиги «Бавария» учун умуман фойда келтирмайди», дейди Магат. 

«Бавария» - «ПСЖ» учрашуви 8 март куни бўлиб ўтади. Биринчи учрашув немис жамоасининг 1:0 ҳисобидаги ғалабаси билан якунланган.