"Manchester Yunayted" yozgi transfer rejalarini hozirdanoq tayyorlamoqda. Football Transfers ma’lumotlariga ko‘ra, "qizil iblislar" bir vaqtning o‘zida "Lester"ning ikkita yarim himoyachisi - Jeyms Meddison va Yuri Tilemans bilan shartnoma imzolashi mumkin.
25 yoshli Yuri Tilemansni "Manchester Yunayted" tekinga olishi mumkin, chunki belgiyalik futbolchining "Lester" bilan amaldagi shartnomasi mavsum oxirida tugaydi. 26 yoshli Jeyms Meddisonga kelsak, mankunianliklar u bilan shartnoma imzolash uchun chek daftarchasini olishlari kerak. Transfermarkt portali ekspertlari futbolchini 55 million yevroga baholamoqda.
"Manchester Yunayted" ayni damda APL turnir jadvalida uchinchi o‘rinni egallab turibdi.