Angliya terma jamoasi va Londonning “Vest Xem” klubi yarim himoyachisi Deklan Rays poytaxtning boshqa klubi – “Arsenal”ga o‘tishi mumkin. Football Insider xabariga ko‘ra, "kanonirlar" futbolchiga asosiy da’vogar sanaladi.
"Arsenal" rahbariyati yarim himoyachiga haftalik maoshi 200 ming funt bo‘lgan uzoq muddatli mehnat shartnomasini taklif qilishga tayyor. Potensial transfer summasi 70-80 million funtga baholanmoqda.
“Arsenal”ning Rays uchun asosiy raqiblari “Chelsi” va “Manchester Siti”.
Yarim himoyachi joriy mavsumda APLda 23 ta o‘yinda maydonga tushib, 1 ta gol va 2 ta golli uzatmaga mualliflik qilgan.