Англия терма жамоаси ва Лондоннинг “Вест Хэм” клуби ярим ҳимоячиси Деклан Райс пойтахтнинг бошқа клуби – “Арсенал”га ўтиши мумкин. Football Insider хабарига кўра, "канонирлар" футболчига асосий даъвогар саналади.

"Арсенал" раҳбарияти ярим ҳимоячига ҳафталик маоши 200 минг фунт бўлган узоқ муддатли меҳнат шартномасини таклиф қилишга тайёр. Потенциал трансфер суммаси 70-80 миллион фунтга баҳоланмоқда.

“Арсенал”нинг Райс учун асосий рақиблари “Челси” ва “Манчестер Сити”.

Ярим ҳимоячи жорий мавсумда АПЛда 23 та ўйинда майдонга тушиб, 1 та гол ва 2 та голли узатмага муаллифлик қилган.