«Sautgempton»ning o‘ng qanot himoyachisi Valentino Livramento APLning top-klublari e’tiborini tortdi.

20 yoshli futbolchiga «Arsenal» va «Manchester Siti» qiziqish bildirmoqda, deb yozadi CBS Sports jurnalisti Ben Jeykobs o‘z ruknida. Bu klublar keyingi transfer oynalarida Livramentoni kuzatib turishadi.

Qayd etilishicha, londonliklarning ushbu pozisiyani mustahkamlashdagi ustuvor varianti «Valyadolid» futbolchisi Ivan Fresneda bo‘lib qolmoqda. «Arsenal» qishki transfer oynasida ispaniyalik futbolchining transferi uchun Dortmundning «Borussiya»si bilan kurashdi, biroq futbolchi mavsum oxirigacha La Ligada qolishni afzal ko‘rdi.

Livramento xochsimon paylari yirtilgani uchun joriy mavsumda Premyer-ligada o‘ynamadi.