«Саутгемптон»нинг ўнг қанот ҳимоячиси Валентино Ливраменто АПЛнинг топ-клублари эътиборини тортди.
20 ёшли футболчига «Арсенал» ва «Манчестер Сити» қизиқиш билдирмоқда, деб ёзади CBS Sports журналисти Бен Жейкобс ўз рукнида. Бу клублар кейинги трансфер ойналарида Ливраментони кузатиб туришади.
Қайд этилишича, лондонликларнинг ушбу позицияни мустаҳкамлашдаги устувор варианти «Вальядолид» футболчиси Иван Фреснеда бўлиб қолмоқда. «Арсенал» қишки трансфер ойнасида испаниялик футболчининг трансфери учун Дортмунднинг «Боруссия»си билан курашди, бироқ футболчи мавсум охиригача Ла Лигада қолишни афзал кўрди.
Ливраменто хочсимон пайлари йиртилгани учун жорий мавсумда Премьер-лигада ўйнамади.
