"Manchester Yunayted" hujumchisi Alexandro Garnacho hozirgi klubini Yevropaning boshqa gigantiga o‘zgartirishi mumkin. Mundo Deportivo xabariga ko‘ra, futbolchining xizmatlariga "PSJ" qiziqish bildirmoqda.

Manbaning qayd etishicha, parijliklar hujumchining o‘yin darajasidan qoyil qolishgan va uning transferi bo‘yicha taklif bilan chiqishga hozirlik ko‘rmoqda. Transfermarkt 18 yoshli argentinalik futbolchini atigi besh million yevroga baholamoqda. Uning "qizil iblislar" bilan shartnomasi 2024 yilning o‘rtalariga qadar tuzilgan.

Angliya chempionatining joriy mavsumida Alexandro 13 ta o‘yin o‘tkazib, ikkita gol va ikkita golli uzatmaga mualliflik qilgan.