"Манчестер Юнайтед" ҳужумчиси Алехандро Гарначо ҳозирги клубини Европанинг бошқа гигантига ўзгартириши мумкин. Mundo Deportivo хабарига кўра, футболчининг хизматларига "ПСЖ" қизиқиш билдирмоқда.
Манбанинг қайд этишича, парижликлар ҳужумчининг ўйин даражасидан қойил қолишган ва унинг трансфери бўйича таклиф билан чиқишга ҳозирлик кўрмоқда. Transfermarkt 18 ёшли аргентиналик футболчини атиги беш миллион еврога баҳоламоқда. Унинг "қизил иблислар" билан шартномаси 2024 йилнинг ўрталарига қадар тузилган.
Англия чемпионатининг жорий мавсумида Алехандро 13 та ўйин ўтказиб, иккита гол ва иккита голли узатмага муаллифлик қилган.