Seshanba kuni "Chelsi" rahbarlari Grem Potter bilan favqulodda yig‘ilish o‘tkazishdi.

Klub xo‘jayinlari Todd Bouli va Bexdad Egbali "Chelsi"ning Kobxemdagi bazasida murabbiylar shtabi bilan suhbatlashdi, deb xabar beradi Evening Standard.

Bouli va Egbali Potterni qo‘llab-quvvatladilar va murabbiylar shtabini bir necha halokatli haftalardan keyin birga bo‘lishga chaqirdilar.

Manba ta’kidlaganidek, "strategiya yig‘ilishi"da ishtirokchilar shanba kuni "Sautgempton"ga 0:1 hisobidagi mag‘lubiyatni batafsil ko‘rib chiqishdi, shuningdek, vaziyatni qanday o‘zgartirish mumkinligi variantlarini muhokama qilishdi.

"Chelsi" yakshanba kungi "Tottenxem"ga qarshi o‘yin oldidan Potterni iste’foga chiqarishni rejalashtirmayapti, ammo mavsumni o‘zgartirish uchun ko‘proq ish qilish kerakligi ta’kidlandi.

Potter "Chelsi" egalaridagi ishonchni saqlab qolmoqda. Bouli "Tottenxem" o‘yinida, Egbali esa "Lids" va "Borussiya Dortmund"ga qarshi o‘yinlarda ishtirok etishi kerak. Manbaning ta’kidlashicha, ikkala egasi ham o‘zlarining uzoq muddatli rejalariga sodiq qolishmoqda.

Eslatib o‘tamiz, "Chelsi" so‘nggi 10ta o‘yinning faqat bittasida g‘alaba qozongan. Jamoa APLda 10-o‘rinda bormoqda.