Сешанба куни "Челси" раҳбарлари Грэм Поттер билан фавқулодда йиғилиш ўтказишди.
Клуб хўжайинлари Тодд Боули ва Бехдад Эгбали "Челси"нинг Кобхэмдаги базасида мураббийлар штаби билан суҳбатлашди, деб хабар беради Evening Standard.
Боули ва Эгбали Поттерни қўллаб-қувватладилар ва мураббийлар штабини бир неча ҳалокатли ҳафталардан кейин бирга бўлишга чақирдилар.
Манба таъкидлаганидек, "стратегия йиғилиши"да иштирокчилар шанба куни "Саутгемптон"га 0:1 ҳисобидаги мағлубиятни батафсил кўриб чиқишди, шунингдек, вазиятни қандай ўзгартириш мумкинлиги вариантларини муҳокама қилишди.
"Челси" якшанба кунги "Тоттенхэм"га қарши ўйин олдидан Поттерни истеъфога чиқаришни режалаштирмаяпти, аммо мавсумни ўзгартириш учун кўпроқ иш қилиш кераклиги таъкидланди.
Поттер "Челси" эгаларидаги ишончни сақлаб қолмоқда. Боули "Тоттенхэм" ўйинида, Эгбали эса "Лидс" ва "Боруссия Дортмунд"га қарши ўйинларда иштирок этиши керак. Манбанинг таъкидлашича, иккала эгаси ҳам ўзларининг узоқ муддатли режаларига содиқ қолишмоқда.
Эслатиб ўтамиз, "Челси" сўнгги 10та ўйиннинг фақат биттасида ғалаба қозонган. Жамоа АПЛда 10-ўринда бормоқда.
