"Atalanta" hujumchisi Rasmus Xoylund "Real" va "Arsenal" skautlarining e’tiborini tortdi, deb xabar beradi La Republicca.
Nashrning yozishicha, ispan klubi hujumchi Karim Benzemaning o‘rniga uzoq muddatga futbolchi qidirmoqda. Angliya jamoasi esa Gabriel Jezusga yaxshi yordamchi olib kelish maqsadida hujum chizig‘ini kuchaytirishni rejalashtirgan.
Daniyalik futbolchi 2022 yilning avgustidan buyon “Atalanta” safida to‘p suradi. Uning jamoa bilan amaldagi shartnomasi 2027 yilning iyunigacha amal qiladi.
20 yoshli hujumchi joriy mavsum Italiya klubi safida 21 ta o‘yinda maydonga tushib, 7 ta gol urdi va 2 ta golli uzatmani amalga oshirdi. Transfermarkt portaliga ko‘ra futbolchining narxi 15 million yevroga baholanmoqda.