"Manchester Yunayted" bugun "Barselona"ni turnirdan chiqarib yuboradigan bo‘lsa, sӯnggi 16 talikda qulay raqibga ega bo‘lishi mumkin. "Qizil iblislar" bugun tunda "Old Trafford"da "Barsa"ni qabul qiladi. Bu o‘yindagi g‘alaba "MYU"ga turnirning yettita guruh yetakchisidan birini raqib qilib olishga yordam beradi. "Arsenal" bundan mustasno, albatta. Negaki, chorak final bosqichiga qadar bir davlatning ikki jamoasi bir-biriga raqib bo‘la olmaydi.
Shunday ekan, Erik ten Xag shogirdlari qo‘rqmasalar ham bo‘ladi. Agarda mankunianliklar keyingi bosqichga yo‘llanma olsa, u holda, qulay raqibga ega bo‘ladi. Xarholda, superkompyuter shunday taxmin qilmoqda. Demak, "MYU" nimchorak finalda Vengriyaning "Ferensvarosh" klubi bilan kuch sinashadi. Garchand bu raqib o‘z guruhida "Monako"ni ortda qoldirib, birinchi bo‘lgan bo‘lsada, "MYU" ularni qiynalmasdan yutishi ehtimoldan holi emas. Shunda chorak final masalasi "qizil iblislar"ga muammo tug‘dirmaydi.
Boshqa tomonda APL yetakchilari bo‘lgan "Arsenal"ni mutlaqo teksari taqdir kutmoqda. Mikel Arteta shogirdlari o‘z guruhini yetakchi sifatida tugatgan bo‘lsalarda, nimchorak finalda nisbatan jiddiy raqibga mubtalo bo‘lishlari mumkin. Superkomoyuter hisob-kitoblariga ko‘ra, to‘pchilarning navbatdagi raqibi "Yuventus" bo‘ladi. To‘g‘ri, hali turinliklar keyingi bosqich masalasini hal qilmadi. Shunga qaramay, italyan gigantining "Nant"ga qarshi uchrashuvdagi imkoniyatlar kattaroq.
"Arsenal"ning bunday kuchli raqibga duch kelishining sababi juda oddiy. YECHLdan tushib qolgan jamoalar Yevropa ligasining o‘tish o‘yinlariga ravona bo‘ladigan bo‘ldi. Bu esa nimchorak finallarda ham qiziq bahslar bo‘lishiga zamin yaratgandi. Shuningdek, "Arsenal"ning nimchorakdagi ehtimoliy raqiblari orasida "Union", "Ayaks", "Roma", "Sevilya" va "Sporting" bor.
"Manchester Yunayted" esa "Real Betis", "Fenerbaxche", Frayburg" va "Feyenoord" kabi klublarga to‘qnash kelishi ham mumkin.
ISMATOV J.
