"Real"ning sobiq himoyachisi Marselo "Qirollik klubi"da o‘ynab, uni eng ko‘p hayratga solgan uch futbolchi haqida gapirdi.
"Men "Real"da o‘ynash va dunyoning eng yaxshi futbolchilari bilan uchrashish baxtiga muyassar bo‘ldim. Meni kim ko‘proq hayratda qoldirdi? Men uchtasini nomlagan bo‘lardim: Luka Modrich, Toni Kroos va Rodrigo", - dedi braziliyalik futbolchi Marca bilan suhbatda.
Eslatib o‘tamiz, o‘tgan kuni Marselo "Olimpiakos" bilan shartnomani bekor qildi va erkin agentga aylangandi. Futbolchi jarohatidan tiklanishida mahalliy shifokorlardan yordam olish uchun "Real" mashg‘ulotlariga qaytdi.
Marselo o‘tgan mavsum oxirida futbolchining shartnomasi tugagach, "Real"ni tark etgandi.
