"Реал"нинг собиқ ҳимоячиси Марсело "Қироллик клуби"да ўйнаб, уни энг кўп ҳайратга солган уч футболчи ҳақида гапирди.
"Мен "Реал"да ўйнаш ва дунёнинг энг яхши футболчилари билан учрашиш бахтига муяссар бўлдим. Мени ким кўпроқ ҳайратда қолдирди? Мен учтасини номлаган бўлардим: Лука Модрич, Тони Кроос ва Родриго", - деди бразилиялик футболчи Marca билан суҳбатда.
Эслатиб ўтамиз, ўтган куни Марсело "Олимпиакос" билан шартномани бекор қилди ва эркин агентга айланганди. Футболчи жароҳатидан тикланишида маҳаллий шифокорлардан ёрдам олиш учун "Реал" машғулотларига қайтди.
Марсело ўтган мавсум охирида футболчининг шартномаси тугагач, "Реал"ни тарк этганди.
